,, Barish ayur wo 1 cup chai,,
Aryan aur Meera ek hi office mein kaam karte the, lekin dono bilkul alag the. Aryan ek serious, kaam mein dubaa rehne wala insaan tha, aur Meera hamesha muskurane wali aur choti-choti khushiyon mein khushi dhundne wali ladki. Dono mein sirf "Good Morning" aur "Bye" tak baat hoti thi. Ek din, office mein zoron ki baarish hone lagi. Shaam ke 6 baj rahe the, sab log nikal gaye the, par Aryan aur Meera office mein hi phans gaye kyunki baahar musladhar baarish ho rahi thi. Aryan apni file mein uljha hua tha aur Meera khidki ke paas khadi hokar baarish ko dekh rahi thi. Tabhi Meera ne palat kar pucha, "Aryan, kya tumhe baarish achhi nahi lagti? Tum itni der se file mein ghuse hue ho." Aryan ne sar uthakar dekha aur halka sa muskura kar bola, "Baarish pasand hai, par kaam khatam karna zyada zaroori hai." Meera ne haskar kaha, "Zindagi mein kaam ke alawa bhi bahut kuch hai, jaise ye garma-garam chai!" Usne apne desk se do cup chai nikali (jo wo...